Lekker ite mei Reitse út eigen kuolkast

Hjoed sjocht Reitse op It Hearrenfean. Dy gemeente is yn 2017 útroppen ta dé sportgemeente fan Nederlân. Mar wat is dêrfan wier?

Witsto wol dat de ynwenners fan It Bilt net genôch bewege? Fan alle minsken yn Fryslân bewege se hjir it minst. Foar in goeie sûnens is bewege fansels hiel wichtich. Dêrom giet Reitse yn Sint Anne op syk nei hoe't it steld is mei de sûnens fan dizze minsken. Fansels dûkt er dêr wer de kuolkast foar yn.

Yn Kollum wenje neffens ûndersyk de measte minsken mei oergewicht yn Fryslân. Dat komt fansels troch dy lekkere Kollumer tsiis...Wat soe Reitse tsjinkomme yn de kuolkasten fan Kollum?

Yn it eardere Menameradiel, no Waadhoeke, bringe minsken it meast in besite oan de dokter. Dat kin fansels betsjutte dat de befolking hjir net sa sûn is. Mar is dat ek sa? Reitse sjocht hjoed yn de kuolkast fan de 80-jierrige frou Kuperus fan Dronryp. En wat hy dêr oantreft.

Yn de gemeente Dantumadiel kriget mar 11 persint fan de minsken genôch griente binnen. Dat is fansels fierstente min! Dêrom is Reitse Spanninga op De Westereen yn de kuolkasten fan de ynwenners op syk te gean nei griente.

De Wielenpôlle is in échte folkswyk yn Ljouwert. Elk kent de foaroardielen wol: yn sa'n wyk ite se allinnich sjips en drinke se bier en kola. Mar is dat ek sa? Reitse Spanninga sjocht yn de Pôlle en siket it dizze wike út.

Wat is der Frysker dan in moaie, griene greide? En wat heart der mear by Fryslân dan in echte boerepleats? Dizze wike siket Reitse út wat der yn de kuolkasten fan de Fryske boeren sit. Komt hy allinich mar molke en ierappels tsjin, of is der mear te finen?

Reitse hat der in flinke tocht troch Fryslân op sitten en al in soad Fryske kuolkasten fan binnen besjoen. Hjoed stapt Reitse de provinsjegrins oer en is er yn Grins. Dat heart fansels net by Fryslân, mar der wenje wol in hiel soad Fryske studinten. Ite sy eins wol sûn? En is de keuken in bytsje netsjes? Reitse siket it út en sjocht yn de kuolkast fan Fryske studinten yn Grins.

It is hast wer tiid foar 'Simmer yn Fryslân'. Dat betsjut dat der wer in soad boatsjeminsken nei ús provinsje komme. Mar wat ite dy eins as se hjir op fakânsje binne? En tinke se dan noch wol wat om de sûnens? Reitse giet dizze wike nei Snits, it kloppjend hert fan it Fryske wettersportgebiet. Mei hy oan board komme, en wat fynt er yn de kuolkast?