Esta semana como convidados tres grandes da escena galega: Lucía Regueiro, que acaba de estrear unha nova temporada da serie da Galega “Serramoura”, o querido Manuel Manquiña e Patricia Vázquez, unha das actrices galegas de máis proxección no mundo da comedia, e especialmente popular polos seus papeis de Lidia en “Padre Casares” e Elvira en “Era visto!”. Touriñán meterase na pel dun dos personaxes de máis éxito en pasadas temporadas do programa: o astro do fútbol Messiñán. Roberto tamén recibirá a visita de David Ballesteros, o colaborador do programa que presenta experimentos científicos do máis sorprendentes. Sketchs humorísticos e a sección de “Pachi & Culo”.

Este mércores visitan “Land Rober Tunai Show” Les Luthiers, que, co motivo da súa xira “Chist!”, se atopan en Galicia estas semanas, como é tamén o caso de Javier Veiga, Ledicia Sola e Xosé A. Touriñán, que veñen presentar a obra de teatro “Amigos ata a Morte”. João Simoes, no “Prezo Xusto”, e o primeiro analista de orquestras galegas completarán a ficción dun programa que, ademais de xogos e bromas co público, irá mesturando entrevistas a convidados de actualidade.