Greim-Bìdh le Gregor

Tha Gregor MacLeòid dealasach mu bhiadh ionadail. Bho dhachaigh ann an Eilean Leòdhais, tha e a’ sealltainn dhuinn na daoine agus na h-àiteachan gum bi e a’ dol airson a’ bhìdh as fheàrr. Air taobh sear an eilein, tha e a’ coinneachadh ri iasgair às an eilean gus na muasgain-caola as ùire fhaighinn airson paella mòr dathach. Seo dreach eileanach air fèist às na Meadhan-thìrean. Tha e cuideachd a’ dol gu bothan beag taobh an rathaid gus silidh sùbhaig a chaidh a dhèanamh aig an taigh fhaighinn. Tha e a’ cleachdadh seo ann an reasabaidh a bheir fìor chofhurtachd do dhuine sam bith – roly-poly silidh. Do Ghregor, chan eil càil nas fheàrr na càise. Tha e a’ còrdadh ris a bhith a’ dèanamh oidhirp a bharrachd nuair a thig e gu bhith ag ullachadh clàr le càise. Tha e ag innse mun reasabaidh aige airson briosgaidean measan is cnothan, airson a ghabhail cuide ri taghadh dhen chàise as fheàrr leis.

Tha Gregor MacLeòid dealasach mu bhiadh ionadail. Bho dhachaigh ann an Leòdhas, tha e a’ sealltainn dhuinn na daoine agus na h-àiteachan gum bi e a’ dol airson a’ bhìdh as fheàrr. Tha Gregor ann an Steòrnabhagh ag ionnsachadh mu bhith a’ dèanamh chioparan. A’ tilleadh dhachaigh, tha e a’ dèanamh croquettes chioparan le dreach Spàinneach is am mayo aige fhèin. Tha Gregor gu math pròiseil mu na 16 cearcan a tha ga sholarachadh le pailteas uighean. Tha e a’ sealltainn dhuinn mar a tha e gan cuir gu feum anns an tùr phabhlòbha iongantach aige. Gus nach tèid càil a dhìth, tha e a’ cleachdadh nam buidheagan a th’ air fhàgail airson curd soileir-purpaidh a dhèanamh le smeuran. Thèid seo eadar gach filleadh dhen phabhlòbha. Feumar rudeigin milis le cofaidh. Tha Gregor a’ dèanamh briosgaidean uafair air am bogadh ann an teòclaid is cnòthan-calltainn airson a ghabhail le flat white.

Tha Gregor MacLeòid dealasach mu bhiadh ionadail. Bho dhachaigh ann an Leòdhas, tha e a’ sealltainn dhuinn far am bi e a’ dol airson a’ bhìdh as fheàrr. Tha e a’ dol chun a’ bhuidsear a dh’ionnsachadh mar a nì e marag dhubh ainmeil Steòrnabhaigh. Tha reasabaidh sònraichte aige airson brunch; rostis buntàta le marag dhubh, ugh slaopte is sabhs hollandaise. Dè as ionadail na do ghàrradh fhèin? ’S ann an seo a tha seileanan Gregor. Tha reasabaidh aige airson cèic-chàise loisgte Basgach le dàth àlainn òir. Tha a mhil fhèin a’ toirt blas air leth don chèic a tha cho aotrom ri souffle. Tric a’ cur fàilt’ air aoighean, tha Gregor deisealachadh airson pàrtaidh le fìor bhlasad eileanach – mòine. Tha e ga chleachdadh airson creachain sùghmhor a smocadh agus gan gabhail air blinis le puree biotais. A’ ghreimeag as fheàrr airson a ghabhail le fizz.

Tha Gregor MacLeòid dealasach mu bhiadh ionadail. Bho dhachaigh ann an Leòdhas, tha e a’ sealltainn dhuinn far am bi e a’ dol airson a’ bhìdh as fheàrr. ‘S e Tirami-choux – ga thuigs’? – a’ chiad rud air a’ chlàr-bìdh. Abair fiùisean de mhìlsean. Tha bonnaich choux Frangach air an lìonadh le uachdar, agus le buaidh tiramisu air, tha an t-uachdar làn blas a’ chofaidh. Tha iad air an togail nan càrn agus air an còmhdach le teòclaid. Iongantach is leòmach, bidh na h-aoighean air an dòigh. Tha an deli air an eilean na thèarmann do Gregor. Tha e a’ togail sitheann a chaidh a chiùradh gu h-ionadail, càise Albannach agus measgachadh dathte de antipasti. Tha Gregor ga chuir gu feum ann an stromboli, lof Eadailteach luma-làn blas. Aig oighreachd ionadail, tha Gregor a’ togail stuthan airson wellington tunnaige a dhèanamh. Taois cleiteach anns a bheil mousse càl-bloinigein agus broilleach-feòla tunnaige.

Tha Gregor MacLeòid dealasach mu bhiadh ionadail. Bho dhachaigh ann an Leòdhas, tha e a’ sealltainn dhuinn far am bi e a’ dol airson a’ bhìdh as fheàrr. Aig pròiseact coimhearsnachd, tha Gregor a’ togail currain-geal. Mas urrainn dhut cèic churrain a dhèanamh, carson nach dèanadh tu cèic churrain-ghil? Tha a chèic pholenta is churrain-gheal tais, le blas orainseir. Tha e fiù ’s a’ cleachdadh lus na malla bhon ghàrradh mar sgeadachadh. Nas tràithe air a’ bhliadhna, bhuain Gregor lusan dromain agus rinn e an còirdeil aige fhèin. Tha e a’ cleachdadh seo sna panna cottas uachdaireach aige, sgeadaichte le praline brisg àlmoin agus subhan-làir. Tha bothain beaga air feadh an eilein mìorbhaileach airson a bhith a’ gearradh sìos air mìltean siubhal a’ bhìdh. Air taobh sear Leòdhais, tha Gregor a’ togail uighean gart-eòin. Tha e a’ dèanamh scotch eggs le spìosraidhean Thai leotha.

Tha Gregor MacLeòid dealasach mu bhiadh ionadail. Bho dhachaigh ann an Leòdhas, tha e a’ sealltainn far am bi e a’ dol airson a’ bhìdh as fheàrr. Tha Gregor a’ coinneachadh ri neach-buana feamad a tha ga chuideachadh a’ cruinneachadh ceilpe. Tha e a’ toirt an t-sàr-bhiadh seo dhachaigh ‘son a chur ann an cèic churrain. Tha salann nàdarra na feamad a’ cothromachadh mìls’ na cèice. Agus tha reasabaidh aige airson briosgaidean cagnach, teòclaid. Mura h-eilear gan ithe sa bhad, tha Gregor a’ sealltainn mar a ghabhas an cleachdadh airson cèic tais a dhèanamh. Air am bogadh ann an liciùr uachdar Èireannach agus air a chòmhdach le bàrr, seo a’ chèic as fheàrr a ghabhas dèanamh ro-làimh. Tha Gregor a’ tadhal air eileanaich a th’ air an t-seada aca a thionndaidh na bhùth. An sin, tha e a’ togail buntàta agus uinneanan ionadail a tha e a’ cleachdadh airson tart càise. Sìmplidh, ach blasta.