Lóa Pind heimsækir Evu, Davíð og dætur þeirra tvær sem ákváðu að vinda ofan af hamaganginum í lífi þeirra á Akureyri og prófa eitt ár á Tenerife - til að vinna minna og leika meira. Það teygðist úr árinu og ekkert fararsnið á þeim enn, enda komin í kanarískan hamagang, búin að byggja sér hús og farin að reka fyrirtæki á hitabeltiseyjunni þar sem veðrið er betra og lífið ódýrara en heima á Fróni.

Lóa Pind heimsækir Sturlu og Vanessu sem kynntust á Íslandi fyrir 9 árum og kolféllu fyrir hvort öðru. Hann var þá skrifstofudýr í Reykjavík en ákvað loks að elta ástina sína hana Vanessu til paradísarstrandbæjarins Playa del Carmen í Mexíkó, og elskar lífið og matinn og veðrið í hitabeltinu.

Lóa Pind heimsækir matgæðingana Þorfinn og Ástrósu sem langaði eitthvert út í heim eftir bankahrunið og ákváðu að setjast að í Brussel þar sem hún rekur Pílates stúdíó. Nema svo fékk hann vinnu í draumaborginni sinni París og þau eru nú í fjarbúð, sundur virka daga - en saman langar helgar. Þorfinnur og Ástrós eru lifandi dæmi um að fjarbúð er enginn ómöguleiki í ástarsambandi.

Lóa Pind heimsækir ævintýralega 6 manna fjölskyldu, þau Kristján, Hildu og börnin þeirra fjögur sem hafa hreiðrað um sig á eyju við Miami Beach. Framleiða föt, áfengi og vatn og eru að innrétta rommverksmiðju skammt frá heimili sínu sem er alltaf iðandi af lífi og gestum.

Hjónin Sveinbjörn og Kristín Harpa segjast vera hamingjusamari í Kanada en á Íslandi enda hafa búið þar í sjö ár og er ekki á leiðinni heim aftur. Þar búa þau í 270 fermetra húsi á þremur hæðum em þau tóku á kaupleigu og hyggjast kaupa húsið þegar þau eru orðin kanadískir ríkisborgarar en fyrr geta þau ekki tekið húsnæðislán.

Hulda, Siggi og þrír synir þeirra fluttu til Kanaríeyjar í hitann en áður en þau fluttu út, vann Hulda sem deildarstjóri á leikskóla og Siggi starfaði við ýmisleg, var meðal annars kennari og smiður. Hér fáum við að vita hvernig geta íslensk millistéttarhjón geti framfleytt stórri fjölskyldu á Kanarí, án þess að vinna.