Flateyjargátan

Jóhanna kemur til Íslands ásamt 9 ára gömlum syni sínum eftir nokkurra ára dvöl í París. Hún ferðast til Flateyjar til að jarða föður sinn sem helgað hafði líf sitt hinni óleystu Flateyjargátu. Jóhanna hyggst leysa gátuna en draugar úr fortíðinni elta hana uppi.

Lögreglumaðurinn Brynjar kafar dýpra í morðmálið og hefur sett á farbann í Flatey. Jóhanna reynir örvæntingarfull að fela tilvist sonar síns. Morðið virðist tengjast Flateyjargátunni og Jóhanna leggur sig alla fram við að finna lausnina.

Eftir misheppnaða flóttatilraun er Jóhanna efst á lista grunaðra. Brynjar beitir öllum brögðum til að ná stjórn á Jóhönnu og aðstæðum í eynni. Jóhanna og Kjartan nálgast lausn gátunnar en á sama tíma opinberast aðstæður á heimili Olgu og Valda.

Jóhönnu eru allar bjargir bannaðar og hennar eina von virðist vera að leysa gátuna. Hún neyðist til þess að brjóta farbannið þegar hún og Kjartan eru viss um að hafa fundið svarið. Brynjar svífst einskis til að ná fram vilja sínum og uppgjör er óumflýjanlegt.