Draumen om eit småbruk

Hønsehauken har tatt for seg i hønsegarden. Sverre bygger garasje og har klart å skjule ei hemmeleg romantisk overrasking.

Det er nok å ta tak i på garden. Eit gjerde skal halde sniglane unna, urtene skal få sitt eige bed og grisane sitt eige hus. Og i åkeren er det tørke.

Det kjem to grisar til garden som aldri har vore ute. Det er tidleg vår, og Ida har lova å levere grønsaker til ein festmiddag der kronprinsen deltar.

Grisane veks og krev mykje mat. Sverre har bestilt utstyr, for snart får han bier. Det går opp for Ida kor mykje jobb det er med honningproduksjon.

Vera har jobb hos naboen med å mate eit lam med flaske. Men kor har lammet vorte av? Sverre gjer i stand bikubane. Vil biene trivast og lage honning?

Biene må få mat for at bikubane skal bli sterke og få bygd seg opp. Ida og Sverre har kjøpt fleire høner for å auke produksjonen av egg.

Biene trivst godt, og Sverre skal hauste honning for første gong. Dei to grisane har passert hundre kilo – det er tid for slakting.

Endeleg blir det eple til sals. Ida tar fram ei gammal presse for å lage juice. Å lage honning er ein lang prosess, og igjen må Sverre lære noko nytt.