Solgt!

Kunne du tenkt deg å sove i same seng som kong Olav? I sesongpremieren på Solgt tar programleiar Frode Søreide med seg to lag med meklarar frå Austlandet til Narvik. Her skal dei tippe pris på tre eigedomar. Kven tippar nærast? Ei av utfordringane er eit gamalt og ærverdig pensjonat, som mellom annan Kong Olav har gjesta ved fleire høve.

Kva kostar ei leilegheit i 10. etasje i Operakvartalet eller på eksklusive Tjuvholmen i Oslo? Solgt tar pulsen på bustadmarknaden i dei nye bydelane i hovudstaden. På få år har det blitt bygd tusenvis av nye bustader langs hamnebassenget i Oslo. Målet har vore å gi fjorden tilbake til folket, men slett ikkje alle har råd til å bu der. Programleiar Frode Søreide har tatt med seg meklarar frå Narvik og Bergen som skal freiste tippe rett salspris på tre ulike leilegheiter.

Det er truleg berre i Rogaland du kan kjøpe deg ei hytte som er plassert på gamle borerør frå oljeplattformar i Nordsjøen. I Solgt i kveld besøker vi ei slik hytte i eit nytt hyttefelt på idylliske Ogna som ligg i havgapet på Nord-Jæren. Vi er også innom eit murhus på ein attraktiv adresse i Stavanger, samt besøker eit eldre hus med hypermoderne tilbygg. Programleiar Frode Søreide har med seg meklarar frå Oslo og Øvre Romerike som skal freiste tippe rett salspris i oljefylket.

Eidsvoll er ein kjent historisk stad for dei fleste, men kva kostar det å kjøpe seg eit hus på Eidsvoll 200 år etter at grunnlova vart signert? To meklar-par frå Trondheim og Haugesund blir tatt med til grunnlovsbygda for å freiste finne svaret. På menyen står eit av Eidsvoll sine mest særprega hus, ei moderne leilegheit i elvekanten og eit gamalt trehus.

Fristar det med eit feriehus i nabolaget til George Clooney? Jetset-paradiset Marbella på den spanske solkysten har lokka til seg solhungrige kjendisar frå heila verda. Finanskrisa har derimot fått bustadprisane til å rase - noko mange nordmenn på jakt etter feriehus har kunne gleda seg over. Millionane sit laust når programleiar Frode Søreide inviterer til Solgt frå solkysten - som ofte blir omtalt som "Norges største hyttegrend".

Drøymer du om eit eige bedehus eller vil du heller ha eit moderne funkis-inspirert hus? Halden byr på det meste, men kva kostar det? Solgt har tatt turen til Østfold for å sjekke ut bustadmarknaden i grensekommunen til vårt naboland Sverige. Programleiar Frode Søreide har med seg meklarar frå Stavanger og Trondheim - som aldri før har vore i Halden. Kven er best til og tippe salsprisen på tre eigendommar i eit framande område?