Foeterien

Loc’hañ a ra an 8 Foeter-bro diouzh opera Riga. Mont a reont da zizoloiñ an tier pinvidik stil Arz Nevez a-raok en em goll e milendall marc’had kêrbenn Latvia. Adkavout a raint Riwal dirak palez kozh ar C’hevre Hanseat.

Loc’hañ a ra an 8 Foeter-bro diouzh Eko-Mirdi arzoù hag hengounioù Latvia e Riga. Mont a reont da zibenn roudoù Krišjānis Barons, an hini zo da Latvia pezh eo Kervarker evit Breizh. Degouezhout a raint e kastell Ceçis, ur wikadell bet savet gant marc’heien teutonek Urzh Breuriezh ar C’hleze.

Goude bezañ adkavet Riwal war harzoù Estonia ez a kuit an 8 foeter-bro war-zu Tartu, kêr Skol-Veur Estonia. Un amprouenn e-lec’h ma rankont reiñ kement ha ma z eus enno rak unan eus ar skipailhoù a vo skarzhet e fin an deiz.

Kuitaat a ra ar 6 foeter-bro kêr ar vakañserien e Pärnu, war aod Mor Baltek. Pa vo bet diskouezet ganto pegen barrek in o servijout banneoù kokteil e c’hellint mont war-zu Enez Saaremaa e lec’h ma vo Riwal o c’hortoz anezho e kastell Kuressaare.

Ar 6 foeter-bro a ya kuit diouzh Kurissaare. Ret e vo dezho adkavout an douarbras evit un amprouenn e stal ur gov. Ar re o tegouezhout da ziwezhañ e park naturel Toosikannu a ranko mont da glask brankoù kirvi evit un amprouenn a skarzho unan eus ar skipailhoù.

Mont a ra kuit an daou skipailh diwezhañ diouzh mengleuz Rummu a oa ur c’hamp-labour-bac’h da vare an Unvaniezh Soviedel. Pa zegouezhint e Tallinn e krogint gant ur c’hoari klask ar roudenn e kreiz-kêr gozh Kerbenn Estonia, liammet etrezo dre ur rouedad riboulioù.