Séð og heyrt: Sagan öll

20 ára saga Séð og heyrt, 1996 - 2016, Mekka glamúrsins á Íslandi. Blaðamenn og ritstjórar rekja aðdraganda að stofnun tímaritsins sem varð heimssögulegur viðburður á Íslandi. Álitsgjafar setja Séð og heyrt í samhengi við slúðurblöð heimsins.

Séð og heyrt, 1996 - 2004. Útgáfan naut ævintýralegrar velgengni fyrstu árin. Tímaritið rokseldist. Allir vildu vera í blaðinu og auglýsa sjálfa sig, vörur og þjónustu. Viðfangsefni blaðsins voru mörkuð fegurð og ofurháerslu á megrun og þyngdartap.

Séð og heyrt, 2004 - 2008. Síðustu árin fyrir hrun einkenndust af dýrkun á þenslu. Ísland og Íslendingar voru best í heimi. Netið var komið til sögunnar og byrjaði að skyggja á Séð og heyrt glamúrinn. Árið 2006 seldi Fróði útgáfuna til Birtings. Ritstjórarnir voru reknir og ný og harðari stefna tók við.

Séð og heyrt, 2008 - 2014. Það er allt reynt til að reisa útgáfuna við. Ritstjórar og blaðamenn koma og fara. Séð og heyrt selst þokkalega en það hefur misst neistann, sérstöðuna sem slúðurblaðið hafði. Baráttan er vonlaus, því miðin þar sem allir eru stjörnur í blaðinu eru dauð.

Séð og heyrt, 2014-2016. Það eru fáir sem kaupa blaðið og lesa það helst í biðröðinni í Bónus. Útgáfan reynir að plasta blaðið og þá dettur salan endanlega niður. Ritstjórnin reynir að endurspegla gamla glamúrtíma. Án árangurs. Síðasta blaðið kemur út í lok árs 20216.

Séð og heyrt í 20 ár! Hvað gerði slúðurblaðið fyrir íslenskt samfélag? Hvaða sögu sagði blaðið af þjóðinni, af venjum, hefðum, tísku, helstu straumum mannlífsins? Í samfélagsmiðlum nútímans eru allir sínir eigin Séð og heyrt ritstjórar. Einstaklingur þarf ekki lengur fjölmiðlasviðið til að segja fréttir af sjálfum sér. Netið drap Séð og heyrt sem samfélagsmiðil íslensku þjóðarinnar.