Fósturbörn

Hún var 26 ára þegar hún komst að því að hún væri ólétt. Þá hafði hún ekki verið edrú frá því hún var 13 ára. Hún var ekki tilbúin að verða móðir og ala upp barn í sömu aðstæðum og hún ólst upp við. Á annað ár hefur Sindri fylgt Sigríði Ingibörgu eftir og kynnumst við henni í fyrsta þætti í þriðju þáttaröð af Fósturbörnum

Hún kláraði viðskiptafræði í einum virtasta háskóla Kaupmannahafnar, var ekki óreglumanneskja en missti þó þrjú börn sín frá sér, fær lítið að hitta þau og er ósátt við kerfið. Við kynnumst Guðrúnunu Björgu, heyrum sögu hennar en einnig fósturforeldra barna hennar og heyrum hvað börnin vilja sjálf.

Í síðasta þætti hittum við Guðrúnu, móður sem misst hefur þrjú börn sín af fjórum inn í kerfið. Hún fær lítið að hitta börn sín og er ekki sátt. Í þessum þætti ætlum við að kynnast fósturforeldrum tveggja barna hennar og heyra þeirra hlið sem er töluvert önnur en Guðrúnar.

Það var aldrei til matur á heimilinu, þær áttu aðeins fötin sem þær stóðu í, voru lamdar af foreldrum sínum en móðir þeirra tók að lokum eigið líf. Þær sakna föður síns lítið og segja lífið betra án hans en með honum.

Þau hafa alið hann upp, elskað, fætt og klætt frá því hann kom til þeirra rúmlega ársgamall. Nú er drengurinn á þriðja aldursári og þau hræðast ekkert meira en að hann verði tekinn frá þeim en kynmóðirin hefur alltaf barist fyrir því að fá hann til baka.

Í fyrstu þáttaröð hittum við Emilíu Maidland sem þá nálgaðist átján ára aldurinn og styttist í að hún þyrfti að standa á eigin fótum. Hvernig vegnar henni í dag?