Pinoy Big Brother: Celebrity Edition

Sa muling pagbubukas ng bahay ni Kuya para sa bagong edisyon ng Celebrity Collab, maraming pasabog ang naganap! Sinurpresa ang lahat sa pagbabalik ni Luis Manzano sa pamilya ni Kuya. Ipinakilala na rin ang mga Kabataang Pinoy mula sa Kapuso at Kapamilya bilang mga official housemates. Samantala, may ibinigay agad sa kanilang task para sa kaarawan ni Fred.

Sa unang gabi ng mga housemates, nagbigay agad ng task si Kuya para sa pagdiriwang ng kaarawan ni Fred. Tagumpay nila itong nagawa at nakapag salo-salo. Isa-isa nang nakausap ni Kuya ang mga housemates at unti-unti na ring nabubuo ang kanilang samahan sa loob ng bahay

Nagsimula na ang takutan sa loob ng bahay bilang hamon ni Kuya sa mga housemates. Sa kabila nito, napagdesisyunan ng lahat na gawing group leaader si Lee para sa hatian ng house chores. Samantala, naibahagi ni Eliza ang dating pagkakaibigan nila ni Miguel.

Patuloy ang katatakutan sa loob ng bahay ni Kuya. Sa kabila nito, hinarap ng mga housemates ang multo ng kanilang buhay sa pagbabahagi ng kanilang kwento. Nauna na rito sina Waynona, Heath, Anton, Iñigo, Marco, Lella at Reva. Emosyonal nilang ikinwento ang kanilang “what ifs” sa buhay at mapait na karanasan ng kanilang pamilya.

Pinagkatuwaan ng mga girl housemates ang mga boys sa pag-make up at nauwi ito sa isang laban na tinawag na PBB’s Binibining Pogita. Lumahok rito sina Antonia (Anton), Joaquina (Joaquin), Clifford at Raveca (Rave). Samantala, patuloy ang pagharap ng mga housemates sa muto ng kanilang buhay. Sumunod dito ay sina Caprice, Fred, Sofia, Ashley, Lee, Joaquin, Reich, Marco at Eliza. Emosyonal nilang ibinahagi ang kanilang kwento tungkol sa kanilang pamilya.