Lóa Pind heimsækir listræna íslenska fjölskyldu sem býr skammt frá Páfagarði í Róm. Hildur er hönnuður, Ingó leikstjóri og synir þeirra báðir í listaframhaldsskóla. Þau hafa upplifað margt á tíu árum á Ítalíu; búið í kastala, í miðju iðandi næturlífinu, verið stöndug en líka fátæk og hafa þurft að vera útsjónarsöm til að framfleyta sér frá degi til dags. En þau elska Ítalíu, sólina, matinn og dramað í ítalskri þjóðarsál.
