Casamos

Mª Rosa e Raúl (2x1)

Air date: Jan 14, 2012

A primeira das historias de amor que hoxe presentará “Casamos!” xa ten o atractivo engadido de ser unha parella, a formada por María Rosa e Raúl, que se coñeceu grazas á Radio Galega, exercendo de “celestina” o programa “Pensando en ti”, a través dunha cita a cegas. A parella, que eran un home e unha muller moi solitarios, acode outra vez á RG para relatarnos os detalles desta primeira cita, nun lugar secreto de Santiago, e tamén para anunciar o seu compromiso. Na narración dos acontecementos, o que non sospeitan é que a gran familia de oíntes de “Pensando en ti” lles está a preparar un feixe de sorpresas que ata minutos antes da voda, en Agolada, ningún dos dous contaba ter.