Vetkoek Paleis II

Molly en Wors, op versoek van Antie Poppie, gryp in om die Vetkoekpaleis van bankrotskap te red. Die versoek kom ook met ’n voorwaarde: Klein Frikkadel moet daar werk.

’n Sogenaamde gesondheidsinspekteur kom inspekteer kamstig die Vetkoekpaleis. Wors besluit om hom om te koop met gratis vetkoeke, verbloem as gasvryheid.

Costas van die opposisiekafee sit en “spioeneer” op die Vetkoekpaleis. Wors besluit om die vetkoeke wat hy koop so bietjie te dokter.

’n Ou vriendin van Wors bel hom onverwags om te kom help met ’n promosie by Vetkoekpaleis. Almal dink dis ’n goeie idee behalwe Klein Frikkadel en Molly.

Wors besluit om sy bakkie te laat diens, maar die werkswinkel skryf die bakkie af toe hulle dit vir ’n toetsrit neem.

Wors en Tiger wil ’n nuwe sakeplan implementeer sodat toerbusse by hul ondernemings moet stop op pad Carnival City toe.

Om die onderneming bietjie woema te gee en die personeel te motiveer, stel Wors ’n sakekonsultant aan. Sy het ’n wonderlike voorstel, maar Wors kan haar nie bekostig nie.

Klein Frikkadel raak betrokke by die verkeerde groep vrouens wat skelm is. Sy ma het hom uitgeskop en sy enigste heenkome is om kamp op te slaan in die restaurant.

Boudjies is weg, Molly werk en Wors wil Loftus toe na Tiger se skeipartytjie.

Molly hoor hoe Wors haar met sy personeel bespreek en hy noem haar “goedkoop en maklik”. Sy word woedend en Wors moet vinnig ’n plan maak.