Metta da fein

Ina seria misteriusa da mazzaments d’animals turbla la pasch dal vitget. Entant che Aldo, il policist unfisà dal vitg, suspectescha ina gruppa da giuvenils, è Elvira, ina dunna fitg devota, persvasa ch’il vitg vegn mess a la prova da la «Metta da fein» - ina figura mistica d’ina veglia ditga terribla.

Adina dapli animals daventan la victima da l'assassin misterius. Aldo è surdumandà, ils purs grittentads ed il president communal ambizius al crititgeschan fermamain. Il policist spera da survegnir agid da Gabi, ina guardiaselvaschina autoritara. Entant procura Elvira per conflicts en vischnanca e vegn en dispita cun il plevon dal vitg che na sustegna betg sia premura religiusa excessiva.

Cura che l'assassin cumenza a mazzar er animals da chasa, privescha il president communal Aldo dal cas. Il plevon refusescha anc adina da tadlar sin Elvira, perquai al attatga lezza durant il servetsch divin. Ravgentada ed offaisa vul Elvira bandunar il vitg cun Linus. Quel tschertga però confiert tar il plevon e metta el uschia anc pli fitg en las stretgas.

Il policist Aldo è decuraschà e patrugliescha persul tras il vitg. Quai durant la festa dal vitg cun l’elecziun dal «Mister chatschadur», in eveniment spetgà cun brama, che ha lieu en la halla da gimnastica. Cur ch’i vegn a la catastrofa sto el impedir il pir. Aldo intervegn curaschusamain. La catastrofa na vegn dentant er el betg dad impedir dal tuttafatg.