Log in om afleveringen als gekeken te markeren. Inloggen of aanmelden.
Seizoen 2
Uitzenddatum
Jun 18, 2023
Despois de dous meses como parella, Raúl decide pedirlle matrimonio a Celia. Co propósito de arruinar o romance Mónica revélalle ao seu ex unha terrible sospeita: el e mais a súa moza
.. show full overview
Despois de dous meses como parella, Raúl decide pedirlle matrimonio a Celia. Co propósito de arruinar o romance Mónica revélalle ao seu ex unha terrible sospeita: el e mais a súa moza poderían ser irmáns. Isidro decide dar un paso adiante na súa relación con Belén, a muller que coñeceu en Mallorca, e proponlle que vaia vivir con el sen consultalo coa súa filla.
Celia permanece allea a estas intrigas sentimentais porque ten que resolver os seus propios problemas. A morte de Leire Uribe, unha antiga paciente, fai que teña que remexer asuntos do seu pasado que ela devece por esquecer.
Elba loita consigo mesma para tratar de agochar diante dos demais os seus sentimentos amorosos cara a Lucho, o prometido da súa defunta irmá, que está desaparecido.
Uitzenddatum
Jun 18, 2023
Celia está afectada pola morte da súa paciente Leire Uribe e polo descubrimento de que Garay, un home poderoso con quen ela estivo relacionada no pasado, acaba de saír do cárcere.
.. show full overview
Celia está afectada pola morte da súa paciente Leire Uribe e polo descubrimento de que Garay, un home poderoso con quen ela estivo relacionada no pasado, acaba de saír do cárcere. Ademais, descoñece os motivos polos que Raúl está cada día máis distante.
A doutora Eiroa ignora que Raúl e Isidro están preocupados por unha terrible sospeita: Gaspar podería ser o pai de Celia. De ser así, Raúl e Celia serían irmáns e o seu amor sería imposible. Necesitan descubrir a verdade.
Uitzenddatum
Jun 19, 2023
Santi está cada vez máis preocupado polo estado de Celia. Ao descubrir que desapareceron do Centro de Saúde os medicamentos que tiñan para tratar a ansiedade, teme que a doutora estea a
.. show full overview
Santi está cada vez máis preocupado polo estado de Celia. Ao descubrir que desapareceron do Centro de Saúde os medicamentos que tiñan para tratar a ansiedade, teme que a doutora estea a facer un mal uso deles. Raúl segue sen poder ser un apoio para Celia, pois Isidro e mais el están demasiado preocupados preparando as probas de ADN. Necesitan descartar a posibilidade de que Celia sexa filla de Gaspar, pero Mónica e Adela non van deixar que a verdade saia á luz tan facilmente
Uitzenddatum
Jun 19, 2023
A preocupación de Raúl polos resultados da proba de ADN e o embarazo da súa esposa fan que descoide a súa relación amorosa con Celia, que se sente abandonada. A doutora Eiroa caeu nun
.. show full overview
A preocupación de Raúl polos resultados da proba de ADN e o embarazo da súa esposa fan que descoide a súa relación amorosa con Celia, que se sente abandonada. A doutora Eiroa caeu nun pozo de amargura e o seu estado de ánimo empeza a afectarlles aos que a rodean. Ademais de entremeterse no embarazo da súa nora e na relación do seu fillo con Celia, Adela dirixe Porto de Abrente en solitario. É por iso que decide contratar a David sen consultalo con ninguén. Claro que as súas intencións co rapaz van máis aló do profesional.
Uitzenddatum
Jun 20, 2023
Raúl está ocupado buscando o sobre que perdeu coas probas de ADN e Celia, asediada polos recordos do seu pasado, só encontra apoio en Santi, a quen lle revela a implicación de Garay na
.. show full overview
Raúl está ocupado buscando o sobre que perdeu coas probas de ADN e Celia, asediada polos recordos do seu pasado, só encontra apoio en Santi, a quen lle revela a implicación de Garay na morte de Leire. En Porto de Abrente é Mónica quen se ten que facer cargo da formación profesional de David. Parece que Adela ten decidido que a súa nora colla a baixa por maternidade e que lle deixe o seu posto de traballo ao novo empregado. Pero tanto Mónica como Gaspar están alerta porque non queren que David os substitúa.
A relación entre o pai de Celia e Belén parece consolidada, pero Isidro non acepta de boa gana que o fillo dela vaia traballar para os López de Castro. Elba necesita aclarar os seus sentimentos por Lucho polo que decide ir de vacacións ao Uruguai.
Uitzenddatum
Jun 25, 2023
Sen poder contar co apoio nin co afecto de Raúl, Celia confésase con Santi sobre a tormentosa relación que mantivo con Garay. Primeiro foron amantes e despois Celia viuse obrigada a
.. show full overview
Sen poder contar co apoio nin co afecto de Raúl, Celia confésase con Santi sobre a tormentosa relación que mantivo con Garay. Primeiro foron amantes e despois Celia viuse obrigada a denuncialo pola neglixencia médica que cometeu coa paciente Leire Uribe. Garay acabou no cárcere, pero prometeu vingarse dela e agora está en Abrente.
Dimas descobre que o verdadeiro motivo polo que Elba quere ir ao Uruguai é para ver a Lucho, de quen segue namorada. Para evitar un romance entre o prometido da defunta Uxía e a súa outra filla, Dimas trata de sabotar a viaxe de Elba.
Uitzenddatum
Jun 25, 2023
Garay está en Abrente para esixirlle a Celia que confese a súa responsabilidade na morte de Leire Uribe. Debido á presión, Celia empeza a sufrir ataques de ansiedade e Santi vese
.. show full overview
Garay está en Abrente para esixirlle a Celia que confese a súa responsabilidade na morte de Leire Uribe. Debido á presión, Celia empeza a sufrir ataques de ansiedade e Santi vese obrigado a tomar cartas no asunto para protexer a súa compañeira.
En canto teñan os resultados das probas de ADN, Raúl quere ir vivir con Celia. Ese é o motivo polo que pretende deixar a empresa de seus pais, iso si, cobrando unha indemnización. Adela non lle vai poñer fácil desvincularse deles nin de Mónica. A viaxe de Elba ao Uruguai é inminente, pero Dimas non quere que a súa filla se bote nos brazos de Lucho. Para evitalo suxírelle a Teresa que el debería ir coa filla a Montevideo.
Uitzenddatum
Jun 26, 2023
Celia enfróntase a un importante dilema cando Garay chega ao Centro de Saúde cun grave malestar. A doutora Eiroa quere actuar con responsabilidade, pero a actitude protectora de Santi,
.. show full overview
Celia enfróntase a un importante dilema cando Garay chega ao Centro de Saúde cun grave malestar. A doutora Eiroa quere actuar con responsabilidade, pero a actitude protectora de Santi, coñecedor do acoso ao que este home está sometendo a Celia, provoca un desencontro entre eles.
Isidro vai descubrir o seu verdadeiro parentesco con Celia grazas ás probas de ADN e os resultados poderían revelar que Olga lle foi infiel con Gaspar moito máis tempo do que pensaba. Raúl, atado á empresa da súa familia, comparte impresións co fillo de Belén, o seu novo compañeiro de traballo. Pero proporcionarlle información a David, que está desexando facer méritos diante de Adela, pode ser perigoso.
Uitzenddatum
Jun 26, 2023
A pesar de salvarlle a vida e de admitir a súa suposta responsabilidade na morte de Leire Uribe, Celia continúa a ser acosada por Garay. Farto desta situación e do dano que lle está a
.. show full overview
A pesar de salvarlle a vida e de admitir a súa suposta responsabilidade na morte de Leire Uribe, Celia continúa a ser acosada por Garay. Farto desta situación e do dano que lle está a causar a Celia, Santi ameaza a Garay para que abandone Abrente. Os resultados das probas de ADN indican que Raúl e Celia son irmáns. Polo tanto, Celia non é filla de Isidro, senón de Gaspar.
Tanto Raúl como Isidro teñen que falar con Celia deste asunto, pero ningún dos dous encontra o momento para facerlle semellante revelación. Despois de que Lucho lle contase a Elba que botou moza en Montevideo, a rapaza renuncia a viaxar ao Uruguai.
Uitzenddatum
Jun 27, 2023
Raúl e mais Isidro descobren o acoso que Garay está a exercer sobre Celia. Tanto eles coma Santi saben que esta situación non vai parar mentres non tomen cartas no asunto e iso é o que
.. show full overview
Raúl e mais Isidro descobren o acoso que Garay está a exercer sobre Celia. Tanto eles coma Santi saben que esta situación non vai parar mentres non tomen cartas no asunto e iso é o que pensan facer. Grazas á información proporcionada por David, Adela pode despedir a Raúl da empresa familiar sen lle ter que pagar ningunha indemnización. Mónica non tarda en decatarse de que David está xogando a dúas bandas, tanto no profesional coma no sentimental. O xuízo contra Gaspar é inminente e Teresa quérese asegurar de que seu irmán acabe no cárcere, a pesar de que ninguén teña moita fe en que a xustiza vaia facer o seu traballo. Ademais, parece que todos teñen asuntos máis urxentes dos que preocuparse.
Uitzenddatum
Jul 02, 2023
Despois do xuízo, Gaspar queda libre de calquera responsabilidade polo accidente de tráfico que acabou coa vida de Uxía e de Olga. Non contenta con isto, Adela preséntase na Casa Eiroa
.. show full overview
Despois do xuízo, Gaspar queda libre de calquera responsabilidade polo accidente de tráfico que acabou coa vida de Uxía e de Olga. Non contenta con isto, Adela preséntase na Casa Eiroa para facer unha humillante proposta, o que vai obrigar a Teresa a tomar unha decisión radical.
Con Garay en coma, Celia trata de descubrir quen é o responsable da agresión que o deixou nese estado e chega a unha inquietante conclusión. Pola súa banda, Raúl e Isidro deciden quedar con ela para falaren das súas relacións de parentesco. Para desgraza de Santi, a nai de Artai preséntase en Abrente con intención de recuperar o tempo perdido co seu fillo.
Uitzenddatum
Jul 02, 2023
A Garda Civil empeza a estreitar o cerco sobre o agresor de Garay. Como parella de Celia, Raúl é o principal sospeitoso, aínda que tampouco descarta a Santi. De feito, Raquel está
.. show full overview
A Garda Civil empeza a estreitar o cerco sobre o agresor de Garay. Como parella de Celia, Raúl é o principal sospeitoso, aínda que tampouco descarta a Santi. De feito, Raquel está convencida de que a doutora foi a culpable de que o enfermeiro se divorciase dela.
Dimas e Isidro están preocupados polas consecuencias económicas da decisión de Teresa de prohibirlle a entrada no bar a calquera que traballe para os López de Castro. Deste xeito pretende facer visible o seu desacordo coa sentenza xudicial que exculpa a Gaspar da morte da súa filla Uxía.
Uitzenddatum
Jul 03, 2023
As sospeitas sobre quen foi o responsable da malleira a Garay parecen recaer en Santi. Xa que logo, Raúl pode retomar a súa relación amorosa con Celia, aínda que Isidro non está cómodo
.. show full overview
As sospeitas sobre quen foi o responsable da malleira a Garay parecen recaer en Santi. Xa que logo, Raúl pode retomar a súa relación amorosa con Celia, aínda que Isidro non está cómodo mentres non quede descartada por completo a posibilidade de que sexan irmáns.
Outra que tampouco se sente cómoda é Elba, que se quere liberar da súa virxindade, pero non sabe se debe compartir as dúbidas que lle provoca este feito co seu mozo. Pola súa parte, David está moito máis interesado en satisfacer a Adela, para quen está xestionando a compra de Caldeirada de Abrente.
Uitzenddatum
Jul 03, 2023
A Garda Civil pensa que o enfermeiro é o principal sospeitoso da agresión a Garay. Cren que saíu en defensa da doutora porque está namorado dela. Pola súa banda, Raúl sospeita que
.. show full overview
A Garda Civil pensa que o enfermeiro é o principal sospeitoso da agresión a Garay. Cren que saíu en defensa da doutora porque está namorado dela. Pola súa banda, Raúl sospeita que Mónica fixo desaparecer o anel que comprou para pedirlle matrimonio a Celia. Por iso lle sorprende que a súa ex lle propoña asinar os papeis do divorcio e poñer fin á súa mala relación.
Gaspar ten claro que o empregado que contratou a súa muller non ten boas intencións, mentres que Adela está fascinada por el e non quere entrar en razón. Gaspar necesita probas para desenmascaralo, polo que lle pide axuda a Brais.
Uitzenddatum
Jul 04, 2023
Raúl organiza unha cita romántica con Celia para pedirlle matrimonio, algo que leva demasiado tempo pospoñendo. Cre que nesta ocasión non se vai interpoñer nada nos seus plans de futuro
.. show full overview
Raúl organiza unha cita romántica con Celia para pedirlle matrimonio, algo que leva demasiado tempo pospoñendo. Cre que nesta ocasión non se vai interpoñer nada nos seus plans de futuro con ela. Santi queda en liberdade porque a Garda Civil ten claro que o agresor de Garay tivo que ser outra persoa. Os problemas do enfermeiro non remataron aí, pois Raquel, a súa exmuller, tenlle preparada unha desagradable sorpresa.
Brais decátase de que David non é o amigo perfecto que aparentou ser e agora tenlle que abrir os ollos á súa prima Elba. Pola súa banda, Gaspar trata de manter controlados os movementos de Adela, que parece que perdeu o sentidiño con ese rapaz.
Uitzenddatum
Jul 09, 2023
Con Raúl no cárcere, Celia non está moi convencida de cal é a verdadeira natureza do home a quen lle decidiu entregar o seu corazón. Pola súa banda, os López de Castro ven na detención
.. show full overview
Con Raúl no cárcere, Celia non está moi convencida de cal é a verdadeira natureza do home a quen lle decidiu entregar o seu corazón. Pola súa banda, os López de Castro ven na detención do seu fillo unha oportunidade para que este volva ao rego e retome a súa relación con Mónica.
Brais e Gaspar tratan de recompilar información sobre David para adiantarse aos seus movementos e evitar que Adela caia por completo nas súas redes. E se cadra ela non é a única enganada
Uitzenddatum
Jul 09, 2023
Para saír de prisión Raúl ten que pagar unha fianza de 25.000 euros. Gaspar sabe que non dispón deses cartos e quere aproveitar esta inesperada oportunidade para facer un lucrativo
.. show full overview
Para saír de prisión Raúl ten que pagar unha fianza de 25.000 euros. Gaspar sabe que non dispón deses cartos e quere aproveitar esta inesperada oportunidade para facer un lucrativo negocio. Pola súa banda, Celia ten claro quen lle podería deixar o diñeiro, pero teme que o encontro entre elas resulte moi desagradable logo dos últimos acontecementos vividos.
Mauri quere que Artai regrese a Abrente, pero o neno xa está coa súa familia en Valencia. Para superar a separación do seu fillo Santi busca o apoio de Mónica. Os cambios hormonais provocados polo embarazo fan que ela empece a fantasiar co home dos seus soños.
Uitzenddatum
Jul 10, 2023
Celia quere sacar a Raúl do cárcere, onde está preso por golpear a Garay e deixalo en coma, pero non dá reunido os 25.000 euros da fianza. Isidro está disposto a vender a súa parte de
.. show full overview
Celia quere sacar a Raúl do cárcere, onde está preso por golpear a Garay e deixalo en coma, pero non dá reunido os 25.000 euros da fianza. Isidro está disposto a vender a súa parte de Casa Eiroa para axudarlle á súa filla, aínda que iso supoña desfacerse do seu medio de vida.
Aínda que está vivindo con intensidade a súa aventura sentimental fóra do matrimonio, Adela ten tempo de incitar a Mónica para que aproveite as circunstancias e recupere a súa relación sentimental con Raúl. Pero a súa nora xa bastante ten cos síntomas do embarazo. A investigación sobre David e Belén segue o seu curso e leva a Brais a Ribadeo.
Uitzenddatum
Jul 10, 2023
Se quere sacar a Raúl do cárcere, Celia terá que tragar o orgullo e falar con Gaspar para conseguir os 25.000 euros da fianza. O seu mozo está disposto a aceptar a oferta que lle fixo
.. show full overview
Se quere sacar a Raúl do cárcere, Celia terá que tragar o orgullo e falar con Gaspar para conseguir os 25.000 euros da fianza. O seu mozo está disposto a aceptar a oferta que lle fixo seu pai pola empresa, pero se cadra xa é demasiado tarde.
O estado de saúde de Garay é cada vez máis crítico e todos son conscientes de que o falecemento agravaría as consecuencias penais da agresión. Grazas aos doces elaborados por Belén, Gaspar decátase de cal pode ser o seu lugar de procedencia e envía alí a Brais. O rapaz vai disposto a descubrir os segredos que agocha David, o amante de Adela que tamén mantén unha relación en paralelo con Elba.
Uitzenddatum
Jul 11, 2023
Celia está desesperada. O prazo para pagar a fianza de Raúl vai rematar e con el a posibilidade de volver estar co seu namorado. Isidro está disposto a tomar unha drástica decisión e
.. show full overview
Celia está desesperada. O prazo para pagar a fianza de Raúl vai rematar e con el a posibilidade de volver estar co seu namorado. Isidro está disposto a tomar unha drástica decisión e parece que nin sequera Belén o vai poder disuadir. Dimas ten unha idea para conseguir os 25.000 euros que precisan para sacalo do cárcere, pero se cadra é peor o remedio cá enfermidade.
O avanzado estado do seu embarazo, a situación de Raúl e a influencia de David na empresa fan que Mónica se vexa superada polas circunstancias. Por iso valora tanto o apoio de Santi, quen tampouco está no seu mellor momento.
Uitzenddatum
Jul 16, 2023
Despois das probas que Adela lle amosou en contra de Raúl, Celia quedou moi impresionada e non pagou a fianza. Agora o prazo de tempo expirou e Celia non se atreve a afrontar a visita ao
.. show full overview
Despois das probas que Adela lle amosou en contra de Raúl, Celia quedou moi impresionada e non pagou a fianza. Agora o prazo de tempo expirou e Celia non se atreve a afrontar a visita ao cárcere que lle ten que facer.
Santi non sabe como pode reaccionar Mauri cando descubra que el e mais a súa neta empezaron unha relación sentimental. Sobre todo porque Mauri continúa molesto pola actitude de Santi cando Artai marchou de Abrente.
Uitzenddatum
Jul 16, 2023
Celia quere crer a versión que Raúl lle deu sobre a agresión a Garay, pero para Santi a súa palabra xa non é suficiente. As sospeitas do enfermeiro fan que a doutora empece a ter dúbidas
.. show full overview
Celia quere crer a versión que Raúl lle deu sobre a agresión a Garay, pero para Santi a súa palabra xa non é suficiente. As sospeitas do enfermeiro fan que a doutora empece a ter dúbidas sobre a inocencia da súa parella. Aínda que a opinión de Santi sobre Raúl pode estar condicionada pola relación sentimental que mantén con Mónica.
Brais precisa atopar probas para desenmascarar a David diante de súa nai, pero non dá encontrado evidencias contra el. Gaspar está convencido de que o amante da súa esposa ten que ter algún punto débil.
Uitzenddatum
Jul 17, 2023
A pesar de que Raúl lle asegura a Celia que é inocente, o vídeo da agresión a Garay indica todo o contrario. O peor para eles vai ser descubrir quen lle entregou esta proba á Garda
.. show full overview
A pesar de que Raúl lle asegura a Celia que é inocente, o vídeo da agresión a Garay indica todo o contrario. O peor para eles vai ser descubrir quen lle entregou esta proba á Garda Civil. Mentres Raúl continúa preso, Dimas tense que encargar de levar a xestión de Caldeirada de Abrente. Pero Adela, a súa nova socia, parece ter outras ideas sobre como hai que xestionar o negocio.
Debido á lesión de Teresa, Belén ten que volver á cociña da Casa Eiroa, pero a ela o que lle preocupa é un anónimo que recibiu.
Uitzenddatum
Jul 17, 2023
Despois da marcha de Artai, Mauri necesita ter a cabeza ocupada noutros asuntos e por iso vai á tenda de Brais anotarse ás clases de submarinismo. Pero alí ten a oportunidade de
.. show full overview
Despois da marcha de Artai, Mauri necesita ter a cabeza ocupada noutros asuntos e por iso vai á tenda de Brais anotarse ás clases de submarinismo. Pero alí ten a oportunidade de participar noutro asunto moito máis interesante: formar parte da investigación sobre David e Belén que está levando a cabo o pequeno dos López de Castro. Pola súa banda, David tenlle que ocultar a Elba que pasou a noite con Adela, ademais de seguir mantendo agochados os segredos do seu pasado. Cada día que pasa, Mónica está máis preocupada, tanto pola delicada situación da empresa como polo seu parto, que ve xa moi próximo. O único que pode aliviar a súa tensión é Santi, pero o enfermeiro ten os seus propios problemas con Celia.
Uitzenddatum
Jul 18, 2023
David organízao todo para poder ter unha fin de semana romántica con Adela. Achegarse máis á súa xefa obrígao a manter as aparencias diante de Elba. Mentres tanto, o fillo de Belén tamén
.. show full overview
David organízao todo para poder ter unha fin de semana romántica con Adela. Achegarse máis á súa xefa obrígao a manter as aparencias diante de Elba. Mentres tanto, o fillo de Belén tamén evita falar con Dimas, quen descubriu o tipo de investimentos que está a realizar, polo que agarda unha explicación do seu comportamento.
Con Teresa de baixa, á Casa Eiroa faille falta outra cociñeira. A solución parece sinxela, pero Belén pon unha condición para volver e non vai ser fácil satisfacer as súas esixencias.
Als er afleveringen of banners missen (en ze staan op TheTVDB), dan kun je een automatische update van de serie aanvragen:
Update van serie aanvragen
Update aangevraagd
