Ilsienna

Il-Poeżija Maltija (1x39)

Uitzenddatum: Jun 24, 2019

L-episodju li jmiss se jkun speċjali mhux biss għax huwa l-aħħar episodju ta' dis-sensiela, imma wkoll għax se nxandru intervista mal-poeta Mario Azzopardi, li kkontribwixxa qatigħ lill-poeżija Maltija. Il-Prof. Bernard Micallef huwa raġuni oħra għala l-episodju li jmiss huwa speċjali; l-intervista li se nxandru ma' Micallef hi waħda mill-aħħar intervisti miegħu bħala Kap tad-Dipartiment tal-Malti fl-Università ta' Malta. Claudia Gauci hija poetessa kontemporanja li tappartjeni għall-ġenerazzjoni l-ġdida ta' poeti. Claudia se taqsam magħna l-esperjenzi tagħha fix-xena kreattiva lokali. Ma stajniex ma nintervistawx ukoll lill-Prof. Oliver Friggieri, ġgant tal-letteratura lokali, kemm bħala kritiku kif ukoll bħala kittieb. Infakkrukom li l-episodju t'għada se jkun dwar il-poeżija Maltija. L-aħħar mistieden huwa Joseph Mizzi, id-direttur tad-dar tal-pubblikazzjonijiet Klabb Kotba Maltin.