No programa desta noite, a arquitecta Rosa Facal e os seus axudantes deberán recuperar dúas construcións comunitarias na parroquia de Rozavales, en Manzaneda. A veciñanza solicitará axuda á líder de Galicia Bonita para restaurar un antigo forno e un lavadoiro en moi mal estado de conservación. Aínda que a obra non semella dun gran volume, o equipo terá que facer fronte a unha baixa de última hora que dificultará a entrega no prazo acordado máximo dunha semana.
