Losada pensa que Lois está relacionado coa morte de Marcos, polo que comeza a investigalo. Axiña as pescudas darán os seus froitos. Grazas á curiosidade do doutor Losada, os espectadores saberán esta semana algo máis da vida amorosa do cirurxián, o sedutor oficial do Francisco Balmis.
Ademais, Lois e Ánxela danlles a Vitu e a Sara a gran noticia: están embarazados. Pero non todo son alegrías, xa que Ánxela e Sara comezan a preocuparse pola súa herdanza xenética. Ambas as dúas poderían ter a enfermidade do ELA.
