In civilization

الرأسمالية ماتت ولازم نسلم نفسنا (2025x1)

Fecha de emisión: Ene 01, 2025

ظهرت فرضية جديدة بتقول إن الرأسمالية انتهت بالفعل وإننا بنعيش النهارده في عصر ""الإقطاع التكنولوجي"". واحد من أبرز اللي نظّروا للفكرة دي، هو يانيس فاروفاكيس وزير المال اليوناني السابق والناشط الماركسي. يعني إيه إقطاع تكنولوجي؟ يعني إن القلّة من أصحاب الشركات التكنولوجية العملاقة زي: جيف بيزوس، وإيلون ماسك ومارك زوكربيرغ وغيرهم بقوا في مصاف ""اللوردات"" أو الأسياد السابقين اللي كانوا بيملكوا الأراضي في النظام الإقطاعي، ولكن مع فارق إن الأراضي دي هي حاليًا المنصّات الرقمية، وإحنا كلّنا بقينا ""أقنان"" معاصرين أو خدم لهؤلاء ""الأسياد"". بحسب الفرضية دي، الرأسمالية انتهت أو في طريقها إلى الزوال، ومش مجرّد إنها بتمرّ بواحد من تحولاتها الكتيرة. وبخلاف تمنيات اليساريين والماركسيين في العالم، اللي بيحلّ محل النظام الرأسمالي مش الاشتراكية، ولكن ""نظام أسوأ منها"" بكتير، وهو نظام الإقطاع التكنولوجي.