SSC

SSC, vo exam jo lakhon students ki umeed hai aur kuch logon ke liye profitable business. Ye kahani hai SSC yani Shiv Shankar Chaudhary aur uski life ke 2 important phases ki. Ek hai graduation ke samay Shiv jise SSC crack karne se jyada tension rehti hai apne papa ke gusse ki. Dosara Shiv Delhi NCR ka upcoming SSC training institute chalata hai aur apne rival Khanna ke plans ka shikar hota rehta hai

Kisi bhi ladai mein insaan ki aadhi jeet tabhi ho jati hai jab vo ladne ki himmat juta le. Student Shiv ko uske papa ne ghar se nikaal diya hai aur ab vo aa gaya hai Mukherjee Nagar ke warzone mein, jahan sapne bante bhi hai aur bigadte bhi. Dosari taraf SSC sir ke best teacher ko Khanna hijack kar leta hai aur us par ilzaam bhi lagata hai. Nayi nayi problems sar utha rahi hain lekin hope ki ungali thame Shiv aur SSC badh rahe hain kadam dar kadam.

Jab insaan ke paas khone ke liye kuch nahi hota to paane ke liye poori duniya hoti hai. Shiv ab ye samajh chuka hai ki usse kamar kas kar mehnat karni hi hogi kyunki uska ghar kafi peeche chhot gaya hai. SSC sir ke star student number one rank to le aata hai lekin usse Khanna ko bech deta hai. Idhar iss dhokhe ke baad SSC apni life ki sabse badi ladayi ke liye tayyar ho raha hai to udhar Shiv depression ke kale badal se ghir chuka hai. Kya nayi hope ka suraj phir niklega?